4 Budget Gaming Keyboard & Mouse Combo India

4 Budget Gaming Keyboard & Mouse Combo India

Nisht

July 11, 2021

Yaha par aapko 4 best budget vale gaming combos ke bare bataya gya hai. Ye Gaming Combos 1500 rupees ke aas-pas me mil jaenge. Aur in Gaming Combos ki warranty 1 year ki hai.

4 Budget Gaming Keyboard and Mouse Combo India

Budget Gaming Keyboard & Mouse Combo India	Feature	Buy link
Zebronics	Heavy combo & Mechanical feel	Buy
Cosmic Byte Dark Matter	Silent Gaming	Buy
Ant Esports	Amazing lighting & Mechanical feel	Buy
Comic byte dragon Fly	Amazing lighting & Mechanical feel Customizable Mouse & light-weight combo	Buy

1) Zebronics Zeb-Transformer Gaming Keyboard and Mouse Combo

Zebronics ke yah gaming keyboard and Mouse ki build quality zabardast hai. Baat kare inke cable ki, to inke cable ki length 1.8 meters hai Aur ye braided cable hai, is liye ise ham high-quality vala cable bhi kah sakte hai. Aur in cables ki USB gold plated hai

Build & Design

Keyboard

Zebronics ka yah keyboard durability ke mamle me badiya keyboard hai. Keyboard ki frame aluminium se bani hui hai. Matalab keyboard galti se bhi aapke haath se gir bhi gaya to keyboard ko kuch nahi honga.

Keyboard ki keys raised hone ke karn yah keyboard badiya dikhta hai aur keys soft press hoti hai & ise use karte vakt mechanical keyboard jaisa feel hota hai, par yah membrane gaming keyboard hai. Aur Keystrokes life 80 million hai.

Keyboard ke back-side me 2 type ke stand aur 2 rubber grips mil jayenge jiske karan gaming ke vakt keyboard idhar-udhar nahi hilega.

Mouse

Mouse ka design ergonomic hai. Yah mouse bade aur medium size ke haath me perfect fit ho jata hai. Aur mouse ke buttons ki life 2.5 million times hai.

Lighting

Keyboard

Ab baat karte hai LED ki, to isme aapko 3 colour ki LED light mil jaegi. Aur 3 lighting modes & 1 breathing effect mil jaega

Keyboard ki LED Light Off kar sakte hai ?

Yes, LED light On/Off bhi kar sakte ho. Aur yaha is post me dikhaye gaye sare keyboards ki light On/Off kar sakte ho.

Mouse

Mouse me 7 colour ki LED light mil jati hai aur vo LED automatically breathing effect ke sath change hoti raheti hai. Mouse LED light ke sath ekdam mast dikhta hai.

How to Off Mouse LED?

Mouse ke DPI batton ko 3-4 seconds tak dabake rakhne se mouse ki LED light On/Off kar sakte ho.

Features

Keyboard

Gaming ke waqt Song sunne ke liye 12 multimedia keys mil jayengi. Aur Window key ko lock karne ka option bhi mil jayega

Mouse

Mouse me DPI change karne ka button mil jata hai. Aur aap 800 se 3200 tak DPI change kar sakte ho. [DPI Mode:- 800/1600/2400/3200]

DPI kya hota hai?

Simple bhasa me kahe to, DPI (Dots Per Inch) Mouse ki speed ya sensitivity hoti hai. Agr aapne Mouse ka DPI low set kiya hai to aapka mouse cursor slow chalega matlab aap physical mouse ko normal moov karoge to screen vala mouse cursor slow moov hoga aur thoda sa hi moov honga. (matlab physical mouse ko 10 inch moov kiya to screen val cursor sirf 2 inch moov hoga.) Is tarh aapne high DPI set kiya to aapke mouse ka cursor fast moov honga. Matalab aap physical mouse ko normal moov karoge to screen vala cursor fast moov honga aur jyada moov honga.(matlab physical mouse ko sirf 3 inch moov kiya to screen vala cursor 10 inch moov honga.) Ab baat kare iska use kaise hota hai, Agr aapko game me koi enemy ko zoom karke headshot marna hai to aap low DPI set kar sakte ho. Kyoki low DPI me mouse slow chalta hai. iske karan aap perfect headshot laga sakte ho. Agr aapko game me fast movement karni hai to aap high DPI set kar sakte hai. Click here & lean more about DPI

Mouse me Gaming ke liye 2 extra buttons(forward & backward) bhi diye hue hai.

Cons

Keyboard

Keyboard me LED Light keys ke aaju-baju jalti hai, Keys ke andar nahi jalti, Is liye is keyboard ki keys andhere me dhik se nahi dikhati.

No anti ghosting keys

Mouse

Mouse ke scroll wheel ki quality thodi kharab hai.

2) Cosmic Byte Dark Matter Gaming Keyboard and Mouse Combo

Cosmic ka yah gaming combo long durable combo hai. Iski build quality average hai. Bat kare Inke Cables ki, to inke Cables ki lambai lagbhag 1.5 meter hai. Aur yah ek Simple Cable hai. Matlab Zebronics ki tarh braided cable nahi hai.

Build & Design

Mouse

Mouse ka design ergonomic hai. Aur Mouse comfortable hai. Mouse me total 6 buttons mil jayenge.

Keyboard

Keyboard ki body good quality vale plastic se bani hui hai aur isme plastic ka plam rest bhi mil jata hai. Bat kare keys ki, to iski keys press karne me soft hai. keyboard quite hai, matlab typing karte wakt noise nahi hoti hai.

Lighting

Mouse

Mouse me total 7 colour ki lighting hai. Aur yah rainbow style me hai. Aur yah lighting automatically breathing effect ke sath change hoti rahati hai. Mouse lighting ke sath amazing lagta hai

Keyboard

Keyboard me 3 colour ki lighting mil jati hai. Aur ek breathing mode bhi mil jata hai. Is keyboard ko aap andhere me bhi bade aaram se use kar sakte ho kyonki uski keys andhere me bhi dikhti hai.

Features

Mouse

Mouse me 1 DPI button mil jata hai, jisse aap mouse ka DPI 800 se 2400 tak bada sakte ho.

Mouse me Forward & Backward ke 2 button mil jate hai. Jo game me bhi use hota hai.

Keyboard

Keyboard me 19 Anti-ghosting keys hai. Jisse aap multiple keys ek sath press kar sakte ho. Gaming ke wakt music sunne ke liye 12 multimedia keys bhi mil jayegi. Aur windows key lock karne ka option bhi mil jayenge.

What is Anti-Ghosting Keys?

Anti Ghosting keys matalab jab ham ek sath 3-4 keys ya usse zyada keys ko ek sath press karte hai, to keyboard un sab keys ka input le leta hai, jabki normal keyboard me aisa nahi hota.

Cons

Keyboard me sirf 3 light hai.
No braided cable

3) Ant Esports KM500W Gaming Backlit Keyboard and Mouse Combo

Ant Esports ke yah gaming combo ki bluid quality average hai.

Build & Design

Keyboard

Keyboard ki body high quality ki plastic (polycarbonate) se bani hui hai. Iski keys raised hai. is liye mechanical keyboard jaisa dikhta hai. Aur Ise use karte waqt thoda bahut mechanical keyboard jaisa feel hota hai. Par aapko bhi pata hai ki yah membrane gaming keyboard hai.

Iski keys press karne me soft hai. Aur keys ki quality average hai. Aur key-life 50 Million times mil jati hai.

Is keyboard me palm rest bhi mil jata hai.Jisse gaming ke vakt palm ko aaram milta hai.
Baat kare cable ki to iska cable 1.5 meters lambba hai aur yah simpal cable hai. Matalab braided cable nahi hai.

Mouse

Mouse me kul 7 button mil jate hai. Inki quality average hai. Mouse hath me comfortable tarike se fit ho jata hai. Bat kare cable ki to iska cable braided hai aur iski lmmbai 1.5 meter hai.

Lighting

Keyboard

Keyboard me rainbow LED effects mil jayenge aur breathing effect bhi mil jayega.
Iske sath dark night me gaming ka experience ekdum zabardast honga.

Mouse

Mouse me 7 Colorful breathing effect mil jayenge. Yah mouse Lighting me bahut badia dikhta hai.

Features

Mouse

Mouse ka DPI 3200 tak change kar sakte ho.[800/1600/2400/3200]

Isme DPI change karne ke liye 2 batons milte hai jisse aap fast DPI change kar sakte ho.

Keyboard

Keyboard me fast gaming ke liye 19 anti ghosting keys mil jayegi aur 12 multimedia keys bhi mil jayengi.

Gaming ke waqt aap windows key ko lock bhi kar sakte ho. Aur WASD & Arrows keys ko aaps me swap bhi kar sakte ho.

Cons

Keyboard

Keyboard me wrist rest thoda small hai aur Keyboard RGB Lighting ke bina use nahi kar sakate kyunki iski keys transparent hai is liye dikhne me dikkat hogi.

Aur isme height-adjustable stand nahi hai.

Mouse

Mouse small hand me jyada comfortable nahi hai.

4) Cosmic Byte Dragon Fly Combo

Cosmic byte ka yah gaming combo long time gaming ke liye banaya gaya hai. Is liye iska design ergonomic hai jisse long time tak gaming karne se plam me dard nahi hoga. Inki build quality bhi badiya hai. Bat kare cable ki to inka cable lagbhag 1.5 meter lamba hai aur yah braided cable hai jo high quality ka hota hai

Build & Design

Mouse

Mouse pura paltic se bana hua hai. Isme total 7 batons hai. Iska weight kuch jyada hi kam hai lagbhag 108 gm ka hai.

Keyboard

Keyboard pura quality plastic se bana hai bas uski frame aluminium ki hai. Iski keys raised hai aur inka key travel bhi achcha hai. Key press karne me smooth hai. Isme typing karte waqt mechanical keyboard jaisi sound aati hai matalab isme feel mechanical vala aata hai par aap bhi jante hai ki yah membrane keyboard hai. Aur Key Life 10 Million Keystrokes hai

Keyboard ki height adjustment karne ke liye piche 2 stands mil jate hai.

Lighting

Mouse

Cosmic valo ne lighting me koi kami nahi chodi hai. Is mouse me aapko pure 13 types ke lighting effects dekhne ko mil jayenge. Inke software ki madad se lighting set kar sakte ho

Keyboard

Keyboard me kul 7 colour ki lighting mil jayegi aur kul 8 types ke lighting effects bhi mil jayenge. Inki brightness bhi change kar sakte ho. Aap rat ke andhere me bhi iske sath gaming kar sakte ho. Aap programmer ho to bhi aap ise use kar sakte ho. Yah keyboard andhere me zabardast dikhta hai.

Features

Mouse

Mouse me 800 se lekar 7200 tak ka DPI mil jata hai. Aur software ki madad se aap mouse ke 7 buttons ko apne tarike se customize kar sakte ho.

How to Download Software?

Click here & Download Software Note:- Software sirf mouse ke liye hai, keyboard ke liye koi Software nahi hai.

Keyboard

Is keyboard me 19 Anti ghosting keys mil jayegi aur 12 multimedia keys bhi mil jayegi. Aap WASD & Arrows key ko aaps me swap kar sakte ho. Aur window lock key ka option bhi mil jayega.

Cons

Iski keys thodi small hai.

Final words

Aapko heavy & mechanical feel vala combo pasand hai to aap No 1 vala Zebronics ka buy kar sakte ho. Par aapko meri tarh silent gaming pasand hai to aap No 2 vala Cosmic Byte vala buy kar sakte ho.

Agr aapko amazing lighting & mechanical feel chahiye to aap Ant Esports ka gaming combo buy kar sakte ho.

Aur aapko mechanical feel,amazing lighting,Customizable Mouse aur light-weight vala combo chahiye to aap No 4 vala cosmic dragon Fly buy kar sakte ho.

Upar dikhaye gaye sare combos ki 1 year ki warranty hai.

Note:- koi bhi combo buy karne se pahle uski warranty policy ko ek bar jrur dekh le.

Kya company ki taraf se batai gai keystrokes life sahi hoti hai ?

shayd ha, par utana jayda nahi chalata kyoki vo company vale keystrokes ki life robot ki madad se check karte hai aur robot keyboard ki keys ko hamesa same force ke sath press karte hai. Isse accurate keystrokes life milti hai. Par ham jab keyboard use karte hai to, ham keys ko apne mood ke hisab se press karte hai. jaise ki, ham gusse me hai to ham bahut zyada jorse key press karte hai aur iske karn keystrokes life kam ho jati hai. Aur dust ke karan bhi keystrokes life kam ho jati hai.

Nisht